كشكول أفلام 252

السلام عليكم
يعطيكم العافية جميعا
تابعت الفترة الاخيرة فلمين. الاول رجع لي حماس عالم مارفل الي اشتقت له وهو بلاك ويدو
حبيت الفلم واستمتعت فيه وحبيت بلاك ويدو اكثر. عتبي الوحيد هو لو نزل الفلم بعد سيفيل وور كان بكاني فلم اند قيم اكثر. وبعدها رجعت اتابع افلام مارفل ووصلت لفلم ثور دارك وورلد. صراحة مدري ليش كان في بالي انه اسوء فلم فيهم. حسيت مع اعادة المشاهدة قدرت الفلم اكثر وحبيت بناء الشخصيات والاحداث في الفلم والاحداث الي تربطنا بباقي عالم مارفل السينمائي.
الفلم الثاني ذكرني بأيام الطفولة والبساطة وما انظر لتمثيل رهيب او حوارات عميقة او انتاج اوسكاري. الفلم هو سبيس جام. الفلم نظيف لابعد درجة. بدون اجندة هوليوود ولا حتى ايحائات مالها داعي. كأنك تتفرج كرتون من التسعينات. ممتع من البداية للنهاية والربع الاخير فلم لحاله. الي يبغا يشوف فلم مع العائلة ويحب شخصيات لوني تونز انصح فيه بقوة. وماعليكم من تقييم الفلم. ليبرون عنده كارهين كثيير. بالذات محبين مايكل جوردان. وشكرا واعتذر عن الاطالة