كشكول ألعاب 254

السلام عليكم

للأسف في ناس، طبعاً مب الكل لكن ‏في السوشل ميديا أو تعليقات موقع، تقرأ تعليقات عبارة عن مرض، أحزاب وحرب للـConsole-Wars، لايحترمون ويستنقصون من أراء الأخرين، يقلبون أي شي دراما، يبررون بطريقة سطحية وسخيفة، يقللون من قيمة اللعبة، يبون أنت تقول أو تكتب الي هم يبونه (يعني بإختصار تكون كذاب)

أنا شخصياً مستمتع في الألعاب عموماً، أستمع الى أراء الأخرين سواء كنت متفق/مختلف معهم لكن بإحترام ومعليش ماحب اكذب على رأيي للعبة اعجبتني او لا

او فيه ناس يقدسون ويقولون الاشتراكات وGame Pass أحسن شي بالحياة، ويجون يغصبونك تشترك

أنا أشوف الاشتراكات ممتاز، لكن ليس السبب الرئيسي إني أخذ أغلب ألعابي من الإشتراكات فقط، أشوف الإشتراكات ينفع لألعاب المطورين المستقلين أو المطورين الغير الموثوقين أبداً

طبعاً ردهم كذا “خلك ادفع سبعين دولار طول حياتك”

معليش أنا منب بخيل، أحب أكون كريم وعندي مصداقية، مب معناه ماراح أشترك الا عادي أشترك على حسب اللعبة نفسها

وبكون صريح، عندي البليستيشن 5، عندي PC، عندي سويتش ومبسوط كلهم

البليستيشن هو أكثر جهاز مرتاح فيه ومستمتع بأغلب حصريات بليستشن الي صدرت وعندي Ratchet & Clank: Rift Apart أحسن لعبة لهذه السنة حالياً (بالنسبة لي)

أيضاً مستمتع بحصريات الموجودة ننتيندو سويتش

مستمتع بـ12 Minutes ولو إنه عندي بعض الملاحظات، لكن على بعض لعبة جيدة، وPsychonauts 2 ممتازة

مب معناه انه أنا أحب البليستيشن أروح أقلل من باقي الأجهزة لا بالعكس، قبل فترة واحد شرا الاكس بوكس ومبسوط انه شراه وباركت له بعد

ومتحمس لي HellBlade II لأن حبيت الأولى من أحسن الألعاب في سنتها والجيل الي فات، واذا أحد قالي بتأخذها على Game Pass، جوابي بيكون لا، أبشتريها لأن مثل ماقلت عجبتني Hellblade الأولى عجبتني مرة

وبس هذا الي عندي وأدري إني طولت بس سؤال: لو Halo: Infinite نزلت مع إصدار الجهاز، كيف بتكون ردة الفعل؟

ويعطيكم العافية ومعليش على الإطالة