كشكول أنمي 252

بواسطة كشكول

محتويات الحلقة
نقاشات و أخبار متفرقة عن
Mushoku Tensei: Jobless Reincarnation
My Next Life as a Villainess: All Routes Lead to Doom
Komi Can’t Communicate
Bright: Samurai Soul
Fairy Tail: 100 Years Quest
Goodbye, DonGlees

وغيرهم

و تكلمنا عن
Welcome to Demon School! Iruma-kun
و
TIGER AND BUNNY
و
Return Of The Mount Hua Sect

الحضور
قيثم  و رغد  و عبدالرحمن و دكستر

4 تعليقات
3

شاركنا تعليقك

4 تعليقات

MrD7ToOk
MrD7ToOk 29 سبتمبر، 2021 - 6:45 ص

عبدالرحمن يا مطنوخ ، تاتشومي اخخخ ليش مهب على الايفون

السلام عليكم ورحمة الله وبركاته
حيا الله الشباب جميعا اللي جاء واللي ما جاء
شلونكم عساكم طيبن يوووووووه مبطين والله يا عيال 😭😭 نسيت شلون اعلق حتى هو الموقع موجود للحين والا انا صار لي شي ، لكن الحمد الله رجعنا لكم من جديد بعد اشياء كثييييرة صارت لكن عديناها ابشركم ، ولكم للناكما الجديد منوره البودكاست واضافة حلوه ان شاء الله وبسم الله نبدأ التعليق
انا دايم اذا علقت عبدالرحمن يغيب لكن ان شاء الله انه موجود لان مالها داعي اصير شخص منحوس اذا جيت راح .
~~~~~~~~~~~~~~~~~~~~~~~~~~~~~~~~~~~~
تعال تعال قبل لا ابدا يبو داحم انا ما قد مدحتكم ؟؟ ليش الجحده هذي والقبل اللي كنت ارسلها لكم والخمخمة اللي كل تعليق لازم اقول تعال اخمك دحومي تشان ثم تجي تجحدني !؟ خلاص محروم من اي عناق لمدة خمس حلقات وبعدها نشوف الوضع الآن بخم دكستر هو حبي الجديد .
~~~~~~~~~~~~~~~~~~~~~~~~~~~~~~~~~~~~
يووووه خلوني اقول لكم وش تابعت هالفترة طبعا انا تخرجت الحمد الله وتعرف نظام اللي ما عنده دوام ابد ومتسدح ومتبطح بالبيت هذا حالي حاليا 😂😂 ، اول شي ختمت الثلاث المواسم المتبقية عندي من اوفرلورد عفوا مهب اسمه اوفرلورد اسمه اوول هانز اويل غون اخخخخ متحمس للجزء الجاي 🔥🔥 ، ثم بعدها تابعت ايبو خلصت الموسم الاول ثم مليت منه بطل الانمي تعبان الصراحة اللي مخليني اكمل هو تاكمورا الوحش الوحيد + سيندو > ايبو واذا احد عنده اشكال فايت مي عاد خلصت الجزء الاطول باقي لي اثنين وبشوفهم بعدين ، بعدها عاد دخلت على متعة لانهائية مع سلام دانك 😂😂😂😂 الانمي هذا كنت احتريه يخلص ترجمة واول ما خلص رحت وتابعته طبعا افضل شخصية بالنسبة لي الدب اللي بالشلة حقت هانميتشي تحفه ذاك 😂😂 ، ثم عاد سويت ريواتش لفود وارز يناس الانمي ذا دخل قلبي والله هو من زمان داخل قلبي لكن حبيته زياده ، عاد لعيون عبدالرحمن رحت تابعت نو قنز لايف على قولت معن ابو راس مسدس الشي الوحيد اللي ما اقدر اتخطاه اغنية النهاية حقت البارت الثاني رهييييييبه والسي جي اللي كان بالانمي ممتاز مهب سيء ابدا لكن شخصية البزر اللي معهم غثيييييثة احيانا ودي اموته من كثر ماهو بثر .
~~~~~~~~~~~~~~~~~~~~~~~~~~~~~~~~~~~~
كيزنا ايفر يا شباب ؟! افاااا ليش ما جاه السب الكافي ؟ والا جيدين على راديانت بس 💔💔 ، كيزنا ايفر من ابشع الاشياء اللي شفتها بحياتي ( بعد قرولا لاقون انا اسميه كذا ) شي ما تدري وش هدفه من الحياة علاقات حب متضاربة وكل واحد يصيح على الثانية ويقالك ترجر مسوين فيها وحاطين بلود تويست وهم ماعندهم سالفة قد قلتها قبل وبقولها مره ثانية الاورجنل حق ترجر اذا كان فيه حب خرب الانمي ، الانمي ذا بالذات اذا احد قال لي انه معجبه اقطع علاقتي معه .
~~~~~~~~~~~~~~~~~~~~~~~~~~~~~~~~~~~~
طبعا انا مع النظام الجديد وبقوة لان اهم شي انتم وراحتكم وكذلك اذا الواحد جاك مغصوب يشوف انمي او فيلم وهو مهب عاجبه مهب زينه ابد ، وبالمقابل اقترح انه عادي الشخص يقدم اكثر من توصية لان بعض الاحيان يكون الواحد وده يعطي مانغا وانمي واحيانا ما يقدر يفاضل بين وحده والثانية فيطرحهن كلهن وانتم بكيفكم عاد واي شي يجي منكم عسل ( ها عاد اجحدوا ذي بعد وقولوا ما مدحتكم ) .
~~~~~~~~~~~~~~~~~~~~~~~~~~~~~~~~~~~~
نرجع لابو داحم الصنديد الشجاع المغوار اللي شايل البودكاست بيديه واطلق مقدم بالدنيا ( ما ودك تعطينا من اللي مغبيهن ) تراك طولت المشكلة وش😂😂😂 اذا جاء احد تكلم عن مانهوا او مانغا قال اووه ترا هذا من اللي انا مغبيهن لا يا شييييخخخ طيب قلها من قبل 😂😂 ، احبك والله تعال اخمك والا صح انت معاقب لمدة خمس حلقات نسيت .
بعدين تعال تراي بمشي على خطاك كملت مانغا ججك والا اكتفيت بالانمي بس ؟ وبتحتري السيزن الثاني ؟ .
~~~~~~~~~~~~~~~~~~~~~~~~~~~~~~~~~~~~
شفت توصياتكم الحلقة اللي راحت المانهوا وصلت لاخر تشابتر البطل رهييييب 😂😂😂😂 وصخ بطريقة حلوة الرسم فيها حلو وانا اقدر هالشي واول شي اشوفه بالمانهوا هو الرسم اذا كان ممتاز كملت ، انمي اروما كن من زمان وانا حاطه باللسته وبديت اتابعه اغنية البداية رهيييبه😂 اطلق شخصية كلارا تفقع ضحك ومؤدية الصوت ضابطتها وطبعا جده رهيب ، انشودة مدرستهم اذا بدوها افقع ضحك لان اروما يقعد يتلفت وهم قاعدين يقولون بناكل لحم البشر . ~~~~~~~~~~~~~~~~~~~~~~~~~~~~~~~~~~~~
وبس والله هذا اللي عندي ان شاء الله ما نسحب الايام الجاية ونجي نعلق ونشوفكم ونضحك معكم وتراي اسمع الحلقك دايم لكن التعليق ما عندي وقت له هاوشني يا عبدالرحمن عشان اجي ( تسوندري تايب ) ، دمتم بود 🤍 #حزب_تصنيف_قيثم راجع لكم بقوة بس اصبرو يا الحزب العظيم وتحية اسطورية للقائد قيثم المخضرم .

الرد
Cloud
Cloud 29 سبتمبر، 2021 - 1:53 ص

السلام عليكم ورحمة الله وبركاته، حيا الله الشباب جميعا.
أقدم اعتذار رسمي كعضو في الحزب العظيم عن غياب الحلقة الماضية لكن Tales لعبة عظيمة جدا + تعمقت أكثر في روابة أوفرلورد واللي خلاني أتفهم كلامكم عنها.طبعا أتكلم عن الرواية الأنمي مقتنع من أول 😂، اتوقع اني معذور كذا.
الزبدة أخبار الشباب؟ عساكم بخير و عافية، ولكم باك دكستر تشان منور، و الشباب ما يحتاج دائما رهيبين.
الأخبار، ما زالت الأخبار الممتازة مستمرة خاصة خبر Jobless reincarnation و عودة الأسطورة و الملك 86. السنة الجاية شكلها جدا قوية.
خبر كومي ممتاز متحمس جدا له، و خبر فيري تيل مثير للاهتمام. خبر Bright غريب لكن برضو مثير للإهتمام.
التوصيات، أنمي قيثم-شيشو ايروما كون، تابعت أول ٥ حلقات يوم كان ينزل أسبوعي و أذكر اني إنشغلت في الجامعة لكن كان جدا ممتاز من اللي شفته، انتظرته عشان يخلص الموسم الثاني و توه خلص و أعلنو الثالث على طول حافز ممتاز لي فشكلي ببدأه قريب.
أنمي تايجر أند باني أنمي أقل ما ينوصف بالرائع، ممتع جدا، أكشن رهيب شخصيات أغلبها ممتاز، و صراحة يستهال كل الشهرة حقته تحية لرغد على التوصية الممتازة.
قبل ما أختم في شي سمعت في تعليقات الحلقة الماضية أثار اهتمامي و دي أتكلم فيه اذا سمحتو لي طبعا.
في انتقاد سمعته ذكرني في كثير أشياء تحزن في مجتمع الأنمي عندنا، و اللي هو انتقاد عمل في محاولة بناءه للعالم بطريقة ممتازة أو انتقاد العمل في حال الحلقات ما كانت عن الشخصيات الرئيسية يعني البناء بشكل عام في أعمال السينين و بالتحديد الأعمال المقتبسه من روايات.و اللي صراحة ألوم أعمال شونين عليها، في آركات في أعمال السينين هدفها انك تشوف العالم صح تعرف تفاصيل أكثر عنه عشان ما تجلس ضايع خاصة ان أعمال الروايات مليئة في التفاصيل على مثال آرك رافتاليا في بطل الدرع و آرك القرية و ال Lizardmen في أوفرلورد و سالفة ساكورا من فصل النخبة، أو حتى انتقاد سمعته عن الأنمي الأيقوني مونستر و اللي ان الأنمي حواراته كثيرة تخيلو في انتقاد زي كذا ، يبيون كل الأنمي البطل ينهي المعركة في آخر ثواني و نحول للي بعده. معلش على الإطالة لكن ذا الشي محزن نوعا ما ان أعمال زي كذا تنظلم بذي الطريقة.

و الأشياء المحزنة مستمرة بخروج عناد تشان صاحب الذوق الغريب، من لما بدأ أسمع البودكاست وهو موجود بكون له وحشة كبيرة، أتمنى له التوفيق، خبر حزين جد و خلاني أتخيل إختفاء أحدكم بعدين و اللي يزيد الحزن. لكن مقدرين و الله يوفقه. وصلو تحياتنا له هذا أهم شي.
و بس يعطيكم العافية على الاستمرارية، حلقة جميلة زي العادة و صارت أجل بعودة دكستر تشان. مشكورين
و سلام

الرد
cel loi 24 سبتمبر، 2021 - 2:13 م

هو انت يا قيثم من 1990 صحيح “””” ايش اول انمي ظهر فيه قوة الكريستال يعني اول انمي نشوف شخصية تستخدم الكريستال و هل تشوفون قوة الكريستال تركت أثر عظيم في الانميات “””””””” ليش لو تسوي بحث في wiki fandom عن الشخصيات مهم كان نوع الانمي ماتلقي ايش ارقمهم المفضلة الي ممكن يحطونه على قيمصهم ليش المبتكرين الشخصيات ما يقولون ايش ارقمهم المفضلة و انا ابغى يكونون في كل الانميات أرقام على الشخصيات عشان فيه شخصيات تتشبه ما تعرف تفرق بينهم الي من الرقم الخاصة فيهم “””” ليش ريمك shaman king ما عليه هايب ايش السبب على انو انمي عريق له تاريخ مميز و الانمي اكثر مشاهدات يحققه في روسيا و البلدان اللاتيني هذا كلام شخص روسي و فيه واحد برازيلي قال نفس الكلام

الرد
معاذ ムアーズ
معاذ ムアーズ 21 سبتمبر، 2021 - 3:18 م

ولكم باك دكستر تشان

الرد