كشكول أنمي 253

السلام عليكم ورحمة الله وبركاته
حي الله الشباب جميعا اللي جاء واللي ما جاء
حلقه جميله بوجود الكل واجتماعكم كلكم له عنصر رهيب كملوا كذا دايم تكفون 😂 قبل ابدا ترا كان فيه مشكلة بصوت دكستر ما كنت اسمعه اذا تكلم احد مرره لكن بعد ما قال رايه ان كيزنا ايفر جميل حمدت ربي ان صوته ما ينسمع وشكرا .

~~~~~~~~~~~~~~~~~~~~~~~~~~~~~~~~~~~~~~~
بالبداية #حزب_تصنيف_قيثم ايها الحزب العظيم لا تتاثروا بكلام واحد يقاله عبدالرحمن ترا معنا لكن يخفي نواياه فانتشروا واعلنوا انكم تنتمون لهذا الكيان الكبير اللذي يرأسه كبيرنا قيثم شيشو ( سرقت حقتك يا كلاود بما انك ما جيت ) .
~~~~~~~~~~~~~~~~~~~~~~~~~~~~~~~~~~~~~~~
الاخبار جميلة السلايم بيجيه فلم وانا من معجبيه الصراحة وافضل شي نزل الموسم الماضي وودي اروح اتابع المانغا من بدايتها شرايكم تنصحوني كذا والا ابدا من وقف الانمي ؟
~~~~~~~~~~~~~~~~~~~~~~~~~~~~~~~~~~~~~~~
بوكو نو هيرو مدري وراكم عليه وش سبب الانزعاج اشوفه انمي عادي يعني ما تمدح فيه ولا تسب مع اني ما شفت اخر موسم واللي قبله كنت زي كذا كنت اصبر لين يخلص الموسم كامل ثم اتابعه مره وحده اعجبني فيه انه صاير يركز على الشخصيات الجانبية اللي فيه فمثلا بالموسم اللي قبل الاخير تكلم عن شخصية كيرشيما ومن بعدها صارت افضل شخصية لي بالعمل ، الشي اللي عجزت افهمه الصراحه هو ليش العمل يتقسم لمواسم ؟ يعني كل ما خلص موسم اعلنوا عن واحد جديد طيب ليش ما يصير واحد مثل بلاك كلوفر وخلاص واذا وصلت حول المانغا وقف الانمي وكذا مدري الصدق اكيد فيه سبب لكن هو ناجح المفروض يتبع هالطريقة . ~~~~~~~~~~~~~~~~~~~~~~~~~~~~~~~~~~~~~~~
كان فيه سؤال قبل فترة ايش الاوبننق اللي تشوفونها مميزة والصراحة بقول بعض الاوبننق اللي ما قلتوها والمظلومة كذلك ، قراند بلو ، ديث بارايد ، براسايت ، بلاك كلوفر الاخيرة وكلهن بعد كويسات ، اوووووفر لورد كل وحده اطلق من الثانية ، موب سايكو الثنتين كلها ، بلاك لاقون هذي ممكن افضل اوبننق بالنسبة لي . ~~~~~~~~~~~~~~~~~~~~~~~~~~~~~~~~~~~~~~~
قيثم قسم بالله قبل لا تقول مثلثات الحب انا قلتها بعد يخي شي ينرفز باي انمي اذا جاء مثلث حب تركته علطول ودي ادخل بعقل اللي يتابع هالاعمال وما يمل منها ( اتوقع عبدالرحمن ما قد تابع عمل رومانس بحياته لان هالشخص ما عنده اي مشاعر فمهب فارقه معه هو نظام من اللي من اول حلقة يقول يخووي رح شبك المدرسة وقضينا وشوله اللف والدوران 😭😭😭) + اللي يتابعون انميات جوسي ودي اجلس معهم جلسة فكرية عقلانية اشوف هل هم بشر مثلنا اول لا ، طبعا عاد اللي يتابع تصنيف ديكستر هذا شخص تمشي ولا تسلم عليه لانك تخاف على نفسك . ~~~~~~~~~~~~~~~~~~~~~~~~~~~~~~~~~~~~~~~ خلوني اقول لكم عن الانميات اللي شفتها الموسم اللي راح
‏1- Seirei Gensouki حلو مش بطال وفكرته مهب جديدة لكن هاريم جيد وهذي اهم نقطة 😭 لكن البطل مشكلته دبشة يعني ما يعرف الحب نهائيا اعلنوا الظاهر عن موسم ثاني له منب متاكد لكن شي جميل
‏2- Vanitas no Karte وصلت تقريبا للحلقة السابعة وبعدها ماكملت السبب اتوقع ان معروف بالنسبة لي يب مثلث حب بس مهب كامل يعني الانمي فيه علاقات حب لكن مهب كلها كويسة وفيه علاقة واحد بزر معه خادمته وخادمته ذي يحبها واحد والبزر يحب خادمته والخادمة معطيتها وضعية انا احب الماستر حقي بس تروح غصب لذاك فشفت الوضع كذا وسحبت عليه كان جميل جدا الى ان دخلت هالعلاقة فيه ، طبعا هذا كله في اخر حلقة شفتها ممكن اكمله بعدين واشوف وضعه .
‏3- Kanojo mo Kanojo فكاهة الموسم 😂😂 من قبل لا ينزل وانا اقول عنه انه بيطلع شي رهيب والحمد الله ما خاب ظني البطل بحد ذاته رهيب
‏4- Tsuki ga Michibiku Isekai Douchuu هذا على جو عبدالرحمن صدقوني بطل يروح لعالم جديد ومنبوذ من الالهة حقته قالت له انت قبيح تدري وش بسوي لك بعد بابعد ديره عن البشر ومنب مخليتك تخالطهم يا قبيح والبطل اوفر بور ، اكثر شي رهيب خادمتينه اللي معه يضحكون بشكل مهب طبيعي 😂😂
‏5- Shinigami Bocchan to Kuro Maid افضل ما نزل هالموسم بلا منازع يخي انا بديت احب هالاعمال اللي كذا اسطورية خلوني اقول لكم القصة هذا واحد لعنته ساحره وهو بزر واللعنة عبارة عن انه اذا لمس اي شي تطلع الحياة منه حرفيا يعني اذا لمس شجرة ماتت وكذلك اي انسان فصارو اهله يلقبونه بحاصد الاموات ( شينقامي ) وقامت امه وحطته بقصر لحاله وعنده خادم ( روب ) وخادمه ( اليس الحب 💛) ، وهذي هي حياته اليومية وهو قاعد يحاول يفك لعنته طبعا اليس من نوع التيزنق زي ما يسميه قيثم وممكن هذا افضل عمل تيزنق شفته ، الحميل في الموضوع انهم اعلنوا موسم ثاني والغريب الصراحة ان السي جي اللي فيه عاجبني 😂😂 مع اني اكره السي جي بسكل عام لكن هذا مدري كيف عجبني
‏6- The Aquatope on White Sand هو 24 حلقة لكن تقريبا خلص الارك الاول منه رهيييييب + انا شخص اعشق اماكن المياه والاسماك وخاصة الاكواريم فهذا قاعد يجيب لك حياة الناس اللي تشتغل فيه ورهيب بشكل مهب طبيعي اللي يحب الانميات العادية هذا ممكن خيار رهيب له . ~~~~~~~~~~~~~~~~~~~~~~~~~~~~~~~~~~~~~~~
تابعت انمي اروما ساما كل الموسمين وكل اللي اقدر اقوله ما وايفو از ذير اميري سان الالطف والاجمل وال كل شي حبيتها يا ناس ما ودي اتعمق بالانمي واجد لكن عندي سلبيه وحده وهي الفيلين اللي بالانمي ما ادري كيف جاي الصراحة. ~~~~~~~~~~~~~~~~~~~~~~~~~~~~~~~~~~~~~~~
اييييييييه هات من اللي مغبينه عاد والله يا عندي مانهوا رهييييبه لكن مشكلتها مازل منها 3 تشباتر بس والا كان وصيتك عليها لكن اذا تبيها تعال خاص ( قلبت السحر على الساحر ) .
~~~~~~~~~~~~~~~~~~~~~~~~~~~~~~~~~~~~~~~
توصية رغد عن انمي lucky star وتشبيحكم له خلاني افكر اتابعه الصدق لان من فتره ادور شي كوميدي لكن اللي شدني القصة تشبه لحد ما اسوبي اسو باسي اللي اشوفه انا من التوب 3 عندي بالكوميديا😭😭😭😭 فشكلي بشيك عليه ان لقيت وقت له ( بدا يتابع دراغون بول Z ) .
~~~~~~~~~~~~~~~~~~~~~~~~~~~~~~~~~~~~~~~
يعطيكم العافية جميعا على شغلكم وتعبكم اللي تبذلونه في هذا البودكاست اكتشفت ان جمهوره كثير واشكرنا يا عبدالرحمن ترانا ماخذين التوب الاول والثاني بالموقع وهذا شي مهب غريب علينا ، تذكر ايام 80 تعليق يووووه كله منك يوم هاوشتهم محد جاء 💔 ( خله يندم اكثر ) لكن تبقى افضل مقدم عرفته بحياتي استمر دحوووومي تشان دمتم بود 🤍.