كشكول أنمي 261

السلام عليكم ورحمه الله وبركاته
كلما غبتم عدتم وأبدعتم ، أهلا وسهلا بعودتكم مع ان أبو داحم فجر جبهتي آخر الحلقة بس تمون عزيزي .

No Game No Life عمل جميل جدا لكن مدري ليه الرسم والألوان كان متعب للعين ههههههه من جد الواحد المفروض يلبس ذاك القناع اللي يلبسوه عمال اللحام عشان يشوفه هههههه.
فلم Jujutsu Kaisen من الواضح انه متعوب عليه وسلسلة العمل تستاهل ، أتمنى أني ألحق عليه ويكون أول فلم أشاهدة في السينما السعودية ههههههه ، اللي فاتني فلم كيمتسو وندمت ان شاء الله احاول اشوفه لما ينزل عندنا .

بالنسبة لفقرة الريفيو ، اي نعم استمروا ولكن حاولوا تظموا رغد معاكم في الفقره ، وانا ومحمد بدوي الفانز كلوب حق رغد فاأنتبهوا .

أكثر شي عجبني في الحلقة ماجبتوا لنا طاري ذاك الانمي اللي فانزاته غثيثين ، أتوقع عرفتوه أتاك . سامحوني شوي بحش فيه بدون حرق ،بس الواحد ينغث من كمية النرجسية اللي عند الفانز لدرجة ان كل الأنميات عندهم زباله . اللي يقول كذه تدخل قائمة الأنمي عنده بس 13 أنمي ، منها 5 مواسم بوكو نوهيرو + 5 اتاك + كيمتسو وجوجتسو وطوكيو ريفرنجز ، بعدين يجي يقول اتاك افضل عمل أنمي بالتاريخ . أحب أقول لهم يهدوا شوي، الانمي والعمل جميل وجبار مااخلتفنا بس هو ليس محور الكون أحترموا أذواق الناس الباقية . من جد في كل مكان أو اي خبر تحصلهم كاتبين “ولا شي قدام أتاك ، أتاك أفضل منه…” ومسوين عد تنازلي لنزول الموسم الجديد خلاص طفشنا لو تحط خبر عن أنمي +18 تلقاه يجوك ويقول مايجي تراب أتاك . أكرر وأقول لا المؤلف ولا الاستوديو مفتكر في أزعاجكم وتطبيلكم وهواشكم مع فانز او متابعين الأنمي الآخرين في اي شي الفلوس والمجد لهم والصداع ووجع الراس لكم . ونسيت ماحشيت في بطل العمل الخايس اللي ميكاسا وهي بنت أرجل منه ههههههه حتى لو ماشاهدت الموسم الاخير بس بيظل زباله هههههههههه.
معليش تحمست شوي في الحش بس أنا أحب العمل ومقرر أعيد مشاهدته من الموسم الأول إلى الأخير كاملا ورا بعض بس كرهوني فيه الله يصلحهم .

بالنسبة للفعالية السابقة حقت التخصص معليش قلبت المواجع عليكم ولذلك اليوم اسالتنا كالتالي:
1- أذكر عمل أو أكثر كرهته بسبب الفانز حقه ؟ جوابي معروف “أتاك” .
وبما أني أفكر بطريقة عقابكم على التأخير السؤال راح يكون :
2- أذكر عمل او أكثر لما أقولك لازم تشوفه تحس ان هذا عقاب بالنسبه لك ؟

وفي الختام شوفوا لكم حل عشان اليوتيوب ترى مشوار من اليوتيوب للموقع وتعرفوا البنزين غالي
في انتظار ابداعاتكم وجديدكم و أتمنى لكم الاستمرارية والتوفيق……. في أمان الله ورعايته.