بدينا الحلقه تكلمنا عن افضل العاب السنه الماضيه. بعدها انتقلنا للعبة الحلقه Horizon Forbidding West وقت لنا نواف مراجعه للعبه بعد ما ختمها.
تكلمنا عن مشاكل Twitch في المنطقه العربيه.
بعدها سولفنا عن العاب لعبنها الاسبوع الماضي:
Gorogoa
Happy game
ونواف تكلم عن نهاية اللعبه من غير حرق
Dying Light 2
وفق فقرة الاخبار تكلمنا عن:
اخبار عن تحديث cyberpunk الاخير.
اخبار متنوعه عن Horizon Forbidding West
اعلان عن street fighter 6 بعد عد تنازلي استمر ٦ ايام.
تعاون بين PUBG و Black Lagoon
كان حضور هذي الحلقه كلن من:
علي دخيخ، نواف المرواني، خالد العجلان.
@Dakhaikh
@nawaf050
@kha_Ajlan
6 تعليقات
يعطيكم العافية
بخصوص موضوع الترجمة من فترة سمعت نقاشكم عنه وأذكر قبل فترة تكلمتوا عن ترجمة أو دبلجة (قاد أوف وور) والمرة هذه عن (هورايزن) وصادف اني أتابع الفترة هذه تختيم (هورايزن الأولى) وكان اللعب بالترجمة والدبلجة العربية
في البداية حسيت الوضع استهبال لكن مع الوقت بديت أتقبله ولو أن الدبلجة فصحى مصرية لكنها ماشية مع أنها بالعادة تستفزني في أي عمل ماهو الألعاب فقط، والترجمة لا بأس فيها مع اني لاحظت احيان تكون ترجمة حرفية أو تكون الصياغة واضحة مأخوذة بشكل مباشر من الترجمة الأنجليزية بالإضافة لاختلاف بين نص الترجمة ونص الدبلجة وبعض الأخطاء النحوية.
أما بخصوص استخدام اللغة العربية الفصحى في الترجمة بدون تبسيط، أشوف الموضوع نسبي ويبغى له وزنية لأن التبسيط الكامل ممكن ما يتناسب دائماً وأعتقد نوعية اللعبة تفرض نوع اللغة، فمثلاً بعض الألعاب يتناسب معها الفصيح وحتى ممكن اللغة الصعبة وهالشيء لاحظته في ألعاب السولز مثلاً، في لغتهم الانجليزية اللي تكون مصطلحاتها صعبة ماهي نفس المصلحات العامية على عكس (ريزدنت أيفل) مثلاً اللي ممكن تكون أبسط، مع أنها حتى هي فيها اختلاف بين جزء وآخر بسبب القصة ووقت أحداثها.
أخيراً
ودي بشكل سريع أتكلم عن ألعاب العالم المفتوح، أظن اني ماقد تابعت أحد يلعب نوع الألعاب هذه من قبل وبالعادة اللي أتابعهم تكون ألعابهم بمسار قصة محدود، ممكن ألعاب (السولز) كانت مثلما ذكرتوا لي المرة الماضية تعتبر عالم شبه مفتوح، المهم اني تابعت (داينق لايت الاولى والثانية) ومنها عرفت معنى العالم المفتوح، حقيقة شيء خيالي فعلاً وكذلك (هورايزن)، وأشوفها ممكن تكون حلوة اذا الواحد وده يفرفر في العالم ويروّق، وعلى الجانب الاخر بتكون مملة لو يبغى يمشي بالقصة بس مضطر ياخذ مشوار طويل لأجل مهمة معينة وهالشيء لاحظته في هورايزن اكثر.
فعلاً الألعاب تطورت بشكل رهيب وصارت تعطي تجربة مختلفة للشخص، أقولها بحكم اني بعيد عن اللعب ومجرد مشاهد بسيط.
ويعيطكم ألف عافية.
لاحظت شغلة مشتركة بين لعبة داينق لايت وهورايزن في واجهة اللعبة وتقسيم العناصر مثل الهيلث والاستامنا وخط البوصلة ونقطة الوصول للهدف والعناصر المكتسبة من المواجهات.
مع اختلاف توزيع اماكنهم لكن كتصميم عناصر أقدر أقول شبه متطابقة، ما عندي خلفية اذا المطور واحد ولا تشابه طبيعي.
بالله شيكوا التعليقات بالحلقة رقم 270 ماودي أعيد التعليق بعدين 🙂
هلا ومسهلا بالطيبين
مشاركتي طويلة فتحملوني شوي 🙂
في الايام السابقة شريت سوني 5 بمبلغ وقدره لأني أضطريت أخذ معه سماعة واغراض ثانية بعدها بفترة اصبت بكورونا واخذت اجازة اسبوع
اول ثلاثة أيام كانت صعبة ووالحمدلله عدت على خير
باقي الايام جلست في البيت
العب ومن الالعاب اللي لعبتها
انشارتد 4النسخة المحسنة كنت لاعب هذا الجزء على الجيل السابق لكني نسيت أغلب القصة والاحداث
اللعبة ممتعة ولكن لا تستحق هالعشرات
القصة كليشيه
القيم بلاي ممتع
من السلبيات شخصية سام كان مرافق مزاعج
لا هو مثل بوي مع كريتوس يساعدك فعليا
ولا هو مثل بيري مع جيل في ريزدنت ايفل الاول يشعرك بالامان ويعطيك رصاص ويدلك على بعض الامور
مرافق بس حق سواليف وعشان تمشي القصة بالطريقة اللي عاوزها المخرج
انتم شرايكم بالشخصيات في انشارت\د4
برضو لعبت راتشت اللعبة ممتع بس زحمة زحمة كأنك طالب شاورما مع شطة وكاتشب ومايونيز وجبن كل شي ملغوص
تمنيت اللعبة أخف زحمة شوي وهذا لا يعني أنها غير ممتعة بالعكس
لعبت ساك بوي
لعبة تقفل مخك وماتحتاج جهد لعبة استرخاء ممتعة
أخيرا والمفروض أنها بالاول لعبة استرو بوي
لعبتها مع اختي الكبيرة مالها بالقيمنق واعجبتها اللعبة
ثم جات اختي الصغيرة قالت بالله هذي لعبة ولا ديمو
لا تقتل المتعة يامسلم
شكرا لكم على قراءة المشاركة وسلام
السلام عليكم
اخبار الشباب
يعطيكم العافيه على الحلقه الجميلة
نواف بالله ابغى تجربتك مع الشاشة حقت msi لاني لقيت عليه عرض ، كيف الشاشة للكونسل سوا للاكس بوكس والسوني 5 وكيف اداءها في العاب الشوتر و العاب القصه مثل هوريزن واليدن رنيق ، وهل شفت هل مسلسلات او انمي ليت لو تفصل بتجربتك
وشكراً لكم
نبارك لكم ع الهوية الجديدة ” كشمول ”
كشمول ألعاب حلقة سنة 2021 😆