كشكول أنمي 272

السلام عليكم
كل عام وانتم بخير
مبدعين كالعادة واعذرونا على الغيبة ، والحلقات مدري ليه صارت أفضل بدون تعليقي ههههههههه .

والله كان فيه أشياء كثيرة ودي أقولها بس بسبب آخر تعليق لي أنمسح فنسيت كل شي هههههههه
السنة هذه موعودة بشكل كبير أنميات راح ينزل لها تكمله واجزاء ثانية الواحد صار يضيع من كثرتهم .

هالفترة شاهدت ون بيس ووقفت عند آخر حلقة نازله وقتها : أمانه الآرك الحالي عظيم من كل النواحي من حبكة القصة والقتالات ولاتنسوا الأخراج من جد شي عظيم وأتضح أن توي لما تبي تبدع تقدر . بغض النظر عن ازعاج المنتقدين انا اعبجني ماشاهدته حتى الآن.
نروح على الانمي العظيم أوساما رانكينج (تقييم الملوك) استوديو ويت أبدع أمانه . تصميم ورسم الشخصيات مميز والقصة جميله جدا أنمي يفاجئك من جميع النواحي أبدااااع لا يوصف.
أنمي بطل الدرع كان جيد جدا توقعته أفضل بس مااقدر اقول عنه مخيب الآمال عجبتي سالفة الأيسكاي داخل أيسكاي (اذا شفتوه راح تفهموا قصدي) بشكل عام جيد جدا.
أنمي realist hero كان جيد ، تغيير جو عن الأكشن وهيك ، وفيه أشياء كثيرة تعجب قيثمي (يعني القيثم حقي ، my qaitham ، كأنها راحت هيبه الرئيس يجدعان هههههههههه)
اللي جد أعجبني أنمي the faraway paladin ، فكرته رائعه وجدا ممتاز.
طبعا شاهدت platinum end أدري أنكم وضعتوه من الأشياء المخيبة للآمال في 2021 لكن كان ودي أعرف ليه ويريتني ماعرفت هههههههه ، بغض النظر عن الخزعبلات الأنمي مافيه اي شي مميز غير أسم كاتب العمل هههههههه ، ايضا اذا ودك تنهم وتنتحر تقدر تشاهده يساعدك الانمي بقوة.
حاليا اشاهد أنمي أوفرلورد نسخة جولي شيك ههههههههههههههه اقصد أنمي the Skelton night والله يجي منه شوي حتى الآن ههههههههه.
بشكل عام يجذبني أي أنمي مقتبس من رواية هالفترة أحسهم كويسين على الإغلب ، فيه أشياء كثيرة شاهدتها بس ماذكرتها مثل أنمي كرة الريشة اللي شد أنتباهي أنه أبعدك عن أجواء المدارس وكذه فكره جيده .
من الواضح أن السنه راح تكون سنة عجيبة وايضا راح تعبكم في مراجعتها لكثره الأنميات الجيدة .
من ناحية الأخبار : خبر أنمي Trigun جميل بس ليش سي جي لازم تخربوا العمل غصب بس إذا كان مثل سي جي باكي راح يكون مقبول . وشاهدت اعلان ماي هيرو اكادمي كان اسطوري من ناحية الشحصيات الا البطل ميدوريا ، حتى في الإعلان او التيزر كومبارس يأخي ويش هالبطل الخايس هههههههههه . ونبارك صدور الموسم الثاني من أنمي اليانكيز وبطله البكايه ههههههه (طوكيو ريفنجرز). إذا بغيت تشاهد الأنمي لازم يكون جنبك حفاظات وحليب أطفال ولاتنسى المصاصة عشان تسكتونه ههههههههههه . ونبارك لعشاق هنتر رجوع كاتبهم مع ان مدري ليه احس الحساب المسرب منه الخبر غير رسمي بس على الاقل فيه أمل يرجع كمانجا في البداية عشان تكمل ثقالة الدم في سوشال ميديا ، فانز ون بيس وفانز اتاك وفانز هانتر ، والله ماودي احش في الفانز والمين ستريمز كفاية اللي قلتوه في الحلقات السابقة.
سؤالنا هالحلقة خفيف : ويش هي أكثر ثلاث أنميات متحمس لها حاليا (غير البونز دادي)؟
قبل لاأختم أحب أقول لكم بأن تجربتي للسينما في السعودية لأول مرة(المقصد دخلت سينما من قبل بس كانت بره المملكة) كانت ناجحه لما شفت فلم جوجيتسو ، شقد كان عظيم هالفلم وممتع من كل النواحي وتجربة رائعه ، وفي ناس ضاربة مشوار ودافعه تذاكر وصافه سرى بعدين نص الفلم جالسين يصورون ! غريبين الحمد لله اني ماتشتت منهم لأن نصف الصالة جالسة تصور عموما كانت تجربة ممتازة ، والفلم اسطوري جدا.

في الختام أحب أشكركم على ابداعكم واستمروا ياابطال نحن لا نستغني عنكم وعن محتواكم الرائع ، دمتم بود….تحياتي.