كشكول ألعاب 293

بواسطة كشكول

رجعنا لكم في حلقه 293
في البدايه تكلمنا سولفنا عن مجموعه من الالعاب الي لعبناها:

God of war ragnarok
sonic frontiers
signalis

وفي فقرة الاخبار تكلمنا عن:
لعبة animal crossing كسرت رقم جديد باليابان.
‏battlefield 2042 في خدمة القيم باس.
تحديثات جديدة ل Halo.

وفي الاخير استمتعنا بالرد على تعليقات الحلقة.

كان حضور هذي الحلقه كل من:
علي دخيخ، خالد العجلان، نواف المرواني.

‏@nawaf050
‏@kha_Ajlan
‏@Dakhaikh

4 تعليقات
0

شاركنا تعليقك

4 تعليقات

أبو ديالا
أبو ديالا 22 نوفمبر، 2022 - 7:34 م

– احب اوجه رسالة إلى مستمع البودكاست جيف كيلي واتمنى منه عدم الإستماع والإلتفاف إلى
محاولات نواف وخالد التأثير على قراره بختيار لعبة السنة وذلك عن طريق المبالغة بسلبيات قود اوف وور
ومع كل سلبية تذكر التعريج ومدح إيلدين رينق مع انه كان من المفترض مقارنة قود اوف وور مع جزء 2018
وليس مع لعبة أخرى تماما
وارجو يا أخ جيف عدم الاستهانة بقدرتهم على التأثير على قرارك فقد نجحو بالتأثير على قرار تروقيمنك .
……

بعيدا عن المزح أنا حرفيا رحت لنواف بالخاص وسألته عن المرحلة اللي ذكرتو ان فيها تمطيط
لأني ما اشوف ان فيه مرحلة كان فيها تمطيط بالدرجة اللي ذكرتوا إلا حاجة بسيطة

والمرحلة اللي تقصدون انا استمتعت فيها سواء بالمهمات او بالبوس الرهيب
والشخصية مهمة في الأساطير الأسكندنافية وجو رومنسي جميل
يمكن اللي ماعنده اي رومنسية ماتعجبه المرحلة …
ومهمة التجميع كانت فرصة انك ترتاح بعد القتال والملاحم وماكانت طويلة
وأيضا موضوع ليش ما اروح مباشره من هنا بدل ما اخذ الطريقة الطويل وكذا اشوفه استقعاد بصراحة لأن تقدر تمارس هالشي على اي لعبة وتستقعد لحاجات واجد
لو انا ابستقعد كانت قلت ليش كريتوس على قوته يجيه بريعصي يضربه ضربة مايقدر يصدها لازم يتفاداها
لكن لازم تلعب اي لعبة لعبة على رؤية وتصور المطور .
……
فيه نقطة أعجبتني بقود اوف وور وهي علاقة الأب والأبن الجميلة بين كريتوس وإتريوس
وايضا حزن فريا على فقد ابنها
وياليت كل الالعاب تكون فيها مثل هالعلاقات النظيفة والشريفة
ودي استرسل بس راح اوقف عشان ما احرق
=====
– بالنسبه لحفل تروقيمنك ومقدما حفل جوائز العاب السنه تستاهل إيلدينق رينق الفوز ومن الصعب منافستها هذا العام
لكن برضوه قود اوف وور لو فازت فتستاهل .

الرد
Khalid Waleed 21 نوفمبر، 2022 - 1:32 م

السلام عليكم

خلصت God of War Ragnarök, صراحةً ومن دون مبالغة…هي لعبة السنة عندي، صح ماقدمت أشياء ثورية واجد، بس قدمت تحسينات بأفضل شكل ممكن. ما أنكر إنه فيه كم عيب، لكن على بعض ما أثرت على تجربتي للعبة.

في شي ودي أتكلم عنه والموضوع منرفزني شوي في السوشل ميديا، موضوع الـDLC مع إحترامي للجميع سواء إنك تطقطق، جاد أو تحب تجيب إثارة جدل، هذا أكثر شي سخيف، طفولي وبايخ شفته، مدري هل هو عشان مصدقين الكليكبيتس من ديفد جافي إلي ترك التطوير من زمان وإنتقد تصميم لعب ميترويد دريد، أو بس يبون يدورن أي عيب أو وسيلة لإستنقاص من قيمة اللعبة عشان يبرزون Elden Ring بأنها (عظيمة)، طيب معليش لو GOW فازت أو Elden فازت في مواقع أو حفلات جوائز الألعاب، وش يفرق معك. حسيت الناس وصلوا لمرحلة (ما أحب أقول هالكلمة) تقديس لـElden مثل (تشبيه شاطح) فلم الجوكر ولعبة Red Dead Redemption 2. فلم جوكر زين بس مب أسطوري، و ريد ديد 2 أكثر لعبة خيبت أمالي في الجيل الماضي مثل بيوشوك إنفينت في الجيل الي قبله. عشان محد يقرأ ويحسبني أكره Elden Ring، لا بالعكس اللعبة مب بس ممتازة الا الممتازة من نواحي عديدة وأنصح أي أحد وأنا ماعندي مشكلة تفوز هي أو GOW تفوز بلعبة السنة سواء من موقع أو حفل جوائز.

ماعندي مشكلة بالنقد كثر ماعندي مشكلة الي بس يدور أي وسيلة يستنقص من قيمة اللعبة عموماً.

يعني مثل ماذكرت Red Dead 2، القصة والرسوم لا يعلى عليه، بس السلبيات: تصميم مهام من أسوأ التصاميم، اللعب من أيام جيل PS2 سيء، ماعندي مشكلة مع إستمرار على نفس ميكانيكية اللعب بس ليته زين وينلعب مب بهالسوء، طبعاً المشاوير والتمطيط الزائد عن اللزوم، ناس يقولون العاب ثانية فيها التمطيط، بالعكس هذي عندي أسوأهم من ناحية التمطيط.

بيوشوك إنفينت لعبة سطحية من كل شي، سواء من السرد نفسه، الشخصيات، العالم وهذا غير انهم بسطوا اللعب مقارنةً مع الأولى والثانية.

وبس يعطيكم العافية ومعليش على الإطالة.

الرد
cel loi 15 نوفمبر، 2022 - 6:43 ص

هلا فيكم – نواف شوفت كيف صوت زيزو قايقر يشبه صوتك – هو ايش عيوب سيكيرو بنسبة لكم يعني أشياء ما عجبتكم في العبة – رأيكم في سياسية الاستحواذات مع ميكروسوفت ما تشوفين انو هذي السياسة ممكن تخرب و تضر صناعة العاب الفيديو عشان ميكروسوفت لو جالست تستحوذ اكثر على شركات الطرف الثالث هل فيه قوانين في أمريكا و بلدان أوروبا تخلي ميكروسوفت له حد معين من عدد الاستحواذات أمريكا و بلدان أوروبا كان فيه قانون وضيعه ضد بعض الشركات عشان لا يصير فيه احتكار و ضرر على الأسواق العالمية –
هل ممكن سوني ترجع الى المطور الياباني يعني عندهم عناوين كثيره لو رجعو الى السوق الياباني ممكن نشوفه ترجع مع بقي التركيز على المطور الغربي و السوق الغربي

الرد
غير معروف 14 نوفمبر، 2022 - 10:39 ص

علي كم نسبة السيمب عندك

الرد