حلقه رقم ٣٠٦
بدايةً رحبنا بالأعضاء وودعنا رمضان،
الاخبار الي كان من اهمها:
انتهاء الدعم للعبة Dreams نهاية السنه هذي.
تخبط في تسويق لعبة Redfall.
الإعلان عن شخصية جديده في لعبة Genshin Impact.
انخفاض ٣٠٪ في مبيعات اجهزة الحاسوب لهذا العام.
اخبار متفرقه عن Diablo 4 , Tekken 8, Final Fantasy XVI, Fortnight.
نتكلم عن بعض الالعاب:
Yu-Gi Oh! Master Duel
Legends of Kingdom Rush
Resident Evil 4 Remake
Overwatch 2
استمتعنا بالرد على مشاركاتكم اللطيفه في تعليقات الحلقه.
كان حضور هذي الحلقه كلن من:
علي دخيخ، فيصل السبيعي، نواف المرواني.
@Dakhaikh
@MajorZeroz
@nawaf050
3 تعليقات
اهلا.
قلتوا ان سعد شيب وصار مايلعب، وهذا الموضوع صراحة دايم افكر فيه، انا الحين خلصت الثانوي والجامعة واستقريت بوظيفة وتعديت ال٣٠ وللحين استمتع جدا بالفيديو قيمز، مازلت انتظر ازمة منتصف العمر الي يقولون عنها، متى بحس اني كبرت على هذا الشي وبفقد الشغف بالالعاب؟ بعد الزواج؟ بعد اول ولد؟ وهل اصلا هو شي صحي؟ لاني اشوف كثير من الي كانوا يلعبون دايم معي فجاءة اعتزلوا ومو شرط يكون بسبب اشغال الحياة ولكن كذا يقول ماصارت تستهويني الالعاب زي اول، صراحة انا ودي حتى بعد ما اوصل ال٧٠ اكون مستمتع جدا وانا اكسر راس حفيدي بفيفا، ويكون لسى مهم بالنسبة لي اني اجيب البلاتينيوم بلعبة وبالمستوى الصعب مو احط ستوري مود عشان اختمها بس، واتمنى الالعاب الي نحبها تكبر معنا، واتمنى كشكول العاب يوصل الحلقة رقم ٣٠٠٠
اهلن اهلن
كل عام وانتم بخير والله يعيده علينا وعليكم بالصحه والعافيه
بتكلم عن تجربتي ل لعبة Return of the obra dinn
اللعبه من مطور Papers,Please
صراحه انا انبهرت مره من اللعبه , تكون في سفينه ومعك ساعه ترجعك لزمن حدوث جريمه او حادثة صارت بالسفينه على مدار رحله لها شهور وتحاول تكتشف اسماء كل احد كان بالسفينه ونهايته كيف صارت , عن نفسي جبت ورقه وقلم وبديت واحاول اكتشف كل شي صار , تعمقت مرره باللعبه وصرت اذا كنت بالسياره بمشوار اجلس افكر عن قضيه و حادثه واول ماارجع للبيت افتح البي سي واروح احل القضيه , العبه مره جميله وغريبه واول مره العب شي زي كذا وتجربه مستحيل انساها اتمنى تبحثون عنها واذا احد يعرفها يعطينا رايه عنها والتعريب فيها اسطوري مره
اسف على الاطاله 3>
السلام عليكم ورحمة الله وبركاته
عيد مبارك علينا و عليكم و كل سنه وانتم طيبين
(التعليق ذا كتبته حلقه 305 و كتبته و انتم تسجلون او بعد)
هذا ما راح يكون سوأل لكن بتكلم موضوع diablo 4 مره ثانيه 😂
يوم كنت اقول 100 ساعه قبل تطفش اقصد انها ما تكون بدون محتوى او السيزون يضيف لك بفات او نيرفات للشخصيات زي ما ماهو حاصل مع diablo 3 او شي بايخ مثل يلا السيزون الاول دبل موارد يعني مافي اضافة فعليه للقيم بلاي. ماعندي مشكله لو انه اللعبه كاجوال بدون تعقيد path of exile لكن ما ابغا يوم العبها كل الي اسوي اوصل اخر لفل وبس لا ابغا محتوى كبيير اقدر اسوي الف شي (قبل اطفش) مو شرط العب 100 ساعه عشان اخلص السيزون XD.
علي ذكر نظام السيزون الي اعلنوا عنه بالعربي يشبه نظام ديستني 2 و المخرج ذكر اتوقع في تويتر انه ما يبغا يبالغ و يسميه expansion لكن راح يكون كل سيزون شي كبير.
اهم المعلومات عن اللعبه
-اول سيزون راح يبداء بعد صدور اللعبه بفتره بسيطه
-كل سيزون مدته 3 اشهر
-كل سنه فيه 4 سيزونات
-السيزون باس المدفوع فيه سكنات اما المجاني فيه الامور الي تقدر تقول عنها نوعا ما pay 2 win منها xp بوشن (ما يبغون يعيدون جحيم immortal )
-قبل يومين 15ابريل نزلوا باتش صلحوا فيه 80% من المشاكل الي الناس طلبوا منهم يغيروها و ذا شي يبشر
-حاليا في كم شيء في الاندجيم نعرف عنه اولا الدنجان nightmare dungeon يمديك تستخدم فيها شي اسمه سيجل sigil تحط فيها modifier تصعبه و في نفس الوقت يزيد اللوت. ثانيا helltide منطقة او اكثر يصير عليها helltide الوحوش فيها يصيرون اصعب و يطيحون عمله تخليك تفتح صندوق اسمه helltide chest ما نعرف ايش فيه
و غيرها world bosses و field of hatred خاصه بال pvp الي اعلنوا و قالوا انه ما راااح يكون blanced قيرك قوي تجلد الي قيره اضعف حتى لو فنان.
يوم 20 ابريل راح ينزل(او نزل. اذا التسجيل بعد العيد) بث من المطورين حق ديابلو يتكلمون عن اشياء جديده ما اعلنوا عنها و اشياء endgame ما اعرف المحتوى بالضبط لكن : و لو حابين اسدح لكم اجدد اخبار ديابلو كل حلقه ما عندي مشكله انتظر ذي اللعبه من 10 سنين 🫡🫡
و بس ادري ما كثرت 😂