كشكول ألعاب 308

السلام عليكم
قاعد العب زيلدا ومستمتع جدا فيها ، ماقدر اقول انها ابهرتني بمثل مابهرتني بريث بحكم ان اغلب الاشياء الي فيها شفتها من قبل ، ولكن مع ذلك فيها بعض الاضافات الرهيبة ولعلى ابرزها اضافة الالترا هاند
لكن عندي بعض الملاحظات على اللعبة وودي اشارككم فيها
1 – توزيع الازرار باللعبة ماجاز لي ولازم تعلق على الزر الفلاني اذا كنت تبي تغير او تستخدم سلاح او ايتم او ايا كان ، كان بتكون افضل لو انهم مخلينها من ضغطة زر بدل ماتضغط ضغطة مطولة بحكم ان احيانا الضغطة المطولة ذي تنكبك بوقت القتال بسبة ازرار الجهاز المعاقة
2 – صحيح ان اللعبة ماتعتمد على الكومبات وتعتمد على الاستكشاف بشكل كبير ، ولكن مع ذلك الكومبات والميلي كومبات فيها تحديدا نايم وحتى يوم تضرب بعدو كأنك قاعد تضرب بخشبة ولا مخدة
3 – الشراينز باللعبة من اتعس مارأيت وقد تكون اكبر سلبية باللعبة ، فوق ماانها مكررة كثير وجميع الشراينز دون استثناء تصميم المنطقة فيها متشابهة ، الالغاز فيها سهلة بزيادة واغلبها مملة ، والمصيبة انك بتنجبر تسوي الشراينز اذا كنت تبي تزود الستامينا ولا الهلث حقك ف مهو بشي اجباري
4 – كل الحوارات الي باللعبة ماعدا الكتسينز مافيها اداء صوتي ، لو انها كانت على الحوارات جانبية ماعندي مشكلة لكن حتى حتى الحوارات الرئيسية الي مافيها كتسينز مب حاطين فيها اداء صوتي وكلها ” هاء اوء هيء اء ”
5 – اذا كنت لاعب بريث من قبل غالبا راح تتشبع من اللعبة على طول وعنصر الانبهار راح يكون اقل بحكم انك بتشوف نفس الاعداء ونفس المناطق ونفس شخصيات كثيرة و احيانا حتى نفس مشاكلها
عندي كم ملاحظة ثانية لكن ماودي اخلي التعليق سلبي اكثر من اللازم ولكن حتى مع جميع هالملاحظات لازالت اللعبة ممتازة وماعندي اي شك انها بتكون من افضل العاب السنة وماعتقد حتى راح اقيمها اقل من 8-9 بعد ماخلصها