كشكول ألعاب 312

السلام عليكم
عندي تعقيب بسيط بخصوص كلام علي السريج عن ميتافور ، يوم يقول ان اللعبة مرتبطة بشين ميقامي وهالكلام غير صحيح ، هذه لعبة اعلن عنها مخرج الخامس من بعد ماخلصوا تطوير بيرسونا فايف وقال انه شغال على مشروع جديد ومن ذاك الوقت والفانز ينتظرون عنها اي شي ، وبين فترة وفترة نسمع عنها كلام ثم بعدها تختفي لدرجة ان الفانز توقعوا انها اندفنت خلاص وماعاد بنشوفها ، ولكن تفاجأنا بمعرض اكس بوكس ان اللعبة فعلا حقيقية وانها فعلا بتنزل ، واللعبة مب مرتبطة ابدا بميقاتان او بيرسونا الخ…وبحكم اني فان لسلسلة بيرسونا ولاعب 13 جزء من بيرسونا من اصل 17 ( مع السبينوفز ) ولاعب كم جزء من شين ميقامي وكم لعبة ثانية من السلسلة ، ف عندي خلفية عن السلسلة والسبينوفز الي فيها ، وحاب اشرح هالشي هنا لان ممكن فيه بعض المستمعين ملخبطين في هالشي ومستغربين ان ليش دايم الفانز يقولون ان بيرسونا سبينوفز من ميقاتان.
طبعا سلسلة بدت من سنة 1987 بأسم ” ميقامي تينساي “وكانت من تطوير اتلس ونشر نامكو ونزلت على الـ MSX والـ Famicom وكانت ولازالت حصرية لليابان فقط ، واللعبة كانت مبنية على نوفل من كتابة ايا نيشيتاني
وبعد ثلاث سنوات من نزول الجزء الاول نزلوا جزء ثاني بنفس الاسم وحتى هو كان حصري باليابان وعلى نفس الاجهزة المذكورة قبل
ثم بعدها بخمس سنوات نزلوا ريميك لأول جزئين بلعبة واحدة بأسم Kyuuyaku Megami Tensei ونزلت على السوبرنينتيندو وهذا كان اخر جزء نزل من سلسلة ” ميقامي تينساي ”
ولكن قبل نزول الريميك بثلاث سنوات في سنة 1992 نزل اول جزء لسلسلة شين ميقامي تينساي الي تعتبر اول سبينوف من سلسلة ميقامي تينساي ونزلت على الـ Famicom ، ومن هنا كانت بداية انطلاقة اول سبينوف لسلسلة ميقامي تينساي و ايضا من هنا كانت انطلاقة واحدة من اشهر سلاسل الـ JRPGs والي لازالت مستمرة و اخر جزء لها نزل قبل سنتين وبمجموع 10 اجزاء ككل ( متضمنة السبينوفز )
وبنفس السنة ايضا وبعدها بشهرين تحديدا نزل ثاني سبينوف لسلسلة
ميقامي تينساي وبأسم Last Bible ونزلت على الـ Game Boy Color واستمرت السلسلة لين سنة 1995 وبمجموع 5 اجزاء ثم بعدها وقفت
وفيه سنة 1994 نزل ثالث سبينوف لسلسلة ميقامي تينساي بأسم majin tensei وكانت لعبة استراتيجي على الـ Famicom واستمرت لين سنة 2008 بمجموع 5 اجزاء ثم بعدها وقفت
وفيه سنة 1995 نزل رابع سبينوف لسلسلة ميقامي تينساي بأسم Devil Summoner على الـ Sega Saturn وهذه كانت ثاني اشهر سبينوف لسلسلة في ذاك الوقت بعد سلسلة شين ميقامي ، والسلسلة استمرت لين سنة 2008 وبمجموع اربع اجزاء ووقفت لفترة طويلة ، ولكن السنة الي راحت بعد طول إنتظار نزلوا جزء ثاني من سول هاكرز الي يعتبر جزء من سلسلة Devil Summoner
وفي سنة 1996 نزل خامس سبينوف لسلسلة ميقامي تينساي على الـ PS1 والي لازال يعتبر اشهر سبينوف لسلسلة والا وهي بيرسونا ، وهي السبينوف الوحيد الي لازالت مستمر بإنتظام وبمجموع 17 جزء ( متضمنة السبينوفز ) وصحيح ان كل سبينوف لسلسلة عنده هوية خاصة فيه الى حد ما ولكن بيرسونا خصوصا وبعد الرابع تحديدا صار حرفيا كأنه سلسلة منفصلة عن سلسلة ميقامي تينساي وهذه كانت احد الاسباب الي خلت اللاعبين يستغربون يوم يسمعون كلام مثل ” بيرسونا سبينوف من سلسلة ميقامي تينساي ” لان حرفيا غير الوحوش مافيه اي شبه بينهم.
وطبعا هذا مب السبينوف الوحيد لان في سنة 2000 نزل سبينوف بأسم Devil Children على جهاز الـ Game Boy Color واستمر لين 2004 وبمجموع 7 اجزاء ثم بعدها توقفت السلسلة
طبعا فيه سبينوفز ثانية مثل ديفل ساقا الي كان له جزئين و ايضا مثل ديفل سرفايفر والي كان له جزئين ولكنهم ماستمروا لمدة طويلة للاسف
و ايضا فيه سبينوفز من جزء واحد فقط مثل كاثرين وجاك بروس و ايضا مثل توكيو ميراج الي كانت تعاون بين اتلس ونينتيندو وكانت تحت تطوير حقين شين ميقامي وحقين فاير امبلم وتعتبر سبينوف و ايضا تعتبر من سلسلة فاير امبلم بنفس الوقت
ادري اني طولت بالكلام ولكن كنت حاب اقول هالمعلومة بحكم اني ماقد سمعت احد تكلم عنها وممكن فيه بعض المستمعين ماكانت عندهم ذيك الخلفية الكبيرة عن السلسلة وعن بيرسونا الخ.. ف اتمنى اني افدتكم ولو بالشي البسيط واعتذر عن الإطالة وشكرا