كشكول مسلسلات 288

أولا، يعطيكم العافية على المجهود المبذولة في الحلقات. و ثانيا حابب اشكر الاخ عبدالرحمن صاحب التعليق الاخر على الحلقة كلامه حقيقي و واقعي مستوى البودكاست على جميع اقسمه ما اختلف لانه فعليا رجعت اسمع اولى الحلقات من البودكاست على تطبيق سبوتيفاي وهذا يجيبني لسوال اذا في امكانية تنزلوا الحلقات القديمة على تطبيقات الاستماع زي ابل بودكاست عشان في امكانية اني انزلها و استمع لها دون الحاجة للاتصال بالنت على عكس سبوتيفاي اللي مضطر للاتصال بالنت، سبب كتابتي للتعليق للامانة كان للرد على نقطة مسلسل fleabag اللي ام تداول مناقشته في حلقة 214 من بودكاست المسلسلات و جدعنة مني راح اذكر التاريخ كان تاريخ الحلقة 2020-6-15 وتعبر عبدالله لمدى حبه للمسلسل و انه ضحك على باقي المجموعة و اقنعهم بمتابعة مسلسلات الكاتبة لهذا العمل للامانة ما راح احكم على الكاتبة من بقية الاعمال لانه ببساطة انا ما تابعتها ممكن تكون جيدة الى ممتازة لكن راح اقول وجهة نظري في مسلسل fleabag .
في البداية خلينا نتفق على مبدا انه في نوعين للكوميدي:
الاول —> كوميدية متقبلة ممكن ما تكون جوك لكن تقدر تتقبلها او تتفهمها.
الثاني —-> كيميديا او مصطلح نحن السعوديين نستخدمه للتعبير على اعمالنا الردئية المصطنعة اللي يقال على حد تعبير صانعيها كوميدي، هنا اقدر اقول مسلسل fleabag كان النوع الثاني ارجع اقول هذا بالنسبة لي و وجهة نظري، حاجة ثانية كسر الحائط الرابع في المسلسل كان من اسوء ما يكون كانت تعليقات الكسر للحائط لا تخدم الموقف او الكوميدية للموقف ببساطة كسر الله يحرمنا منه، من وجهة نظري موضوع كسر الحائط الرابع كان قبل فيلم ديدبول الاول حاجة و بعده حاجة ثانية ممكن ما يكون هو اول فيلم عمل الحاجة دي في تاريخ الصناعة ولكن يوم علمها عملها بطريقة ممتازة ممكن عشان دور ديدبول كان بالنسبة لرايان دور العمر فعشان كدا كان موضع الكسر بطريقة ممتازة لكن ما نقدر ننكر ان رايان يملك حس فكاهي طبيعي او يقدر يقول نكتة و يكون عكسها او reaction على نكته حوله . المهم مسكت خط مع ابو رايان و نسيت المسلسل اللي حابب اقوله المسلسل تجربة سيئة بالنسبة لي و كوميدية لا اقدم ولا تاخر ولا تسمن ولا تغني من جوع ممكن انا من الاشخاص اللي ما تعجبهم كوميدي البريطانين هذا الموضوع وارد لكن على العموم زي ما تقول العبارة الشهيرة اللي بدون مصدر ولا حاجة دا تصريح جدعنة من عندي و كدا.
((الكوميدية موضوعها نسبي بالنسبة للمتلقي)).
عندي سوال اخير، هل الكوميدي التي تتمحور حول موضيع +18 تكون جذابة بالنسبة لكم او لا ؟ و هل الممثل اللي يعتمد على هذا الاسلوب تعتبروه مفلس وكوميدياً؟