كشكول ألعاب : موسم الجيمرز 2023 – الحلقة الاولى

اولا يعطيكم العافية على التغطيات الجميلة لاهم الفعاليات في عالم الالعاب، بس حابب ابدا و اسود قصتي مع بودكاست كشكول بدات اسمع البودكاست بشكل عام في سنة 2020 مع الحجر لكسر الروتين الممل اثناء اليوم مع خلال اداء العمل من المنزل لكن خلال هذه الفترة كنت مركز على حلقات الافلام بسبب حبي الكبير لها و للامانة ما كان عندي جهاز بلايستيشن ، كان عندي اكس بوكس وون و اعتبر فترة امتلاكي لها فترة غياهب الجب او مثل الدارك ويب فترة مظلمة لي في عالم الالعاب حَرمت فيها نفس من عصر ذهبي الالعاب بسبب توفير بضع ريالات. عارف ان فيصل راح يزعل علينا بما انه من الفريق الاخضر ولكن هذه الحقيقة المرة.
المهم وصلنا الى 2023 وقررت فيها ان اشتري بلاي 5 و من يومها حرصت ارجع احمل الحلقات القديمة لبودكاست الالعاب عشان اعوض سنين الضياع و الجهل 😂 و فعلا رجعت اسمع الحلقات القديمة. خلينا نتفق الكلام اللي فوق حمادة و اللي راح اكتبه تحت حمادة ثاني.
سمعت الحلقات الاولى و كان الوضع تمام بس ملاحظ ان علي زي الشايب مستقعد للعمال، قلت عادي بس الدكتور مكمل تنمر ما تمر حلقة الا ياخذ فيصل و سعد ذهاب و اياب هو للامانة انا ما كنت ناوي اكتب التعليق دا تجنباً للتنمر اللي راح يجيني منه ولكن يا نعيش عيشة فل يا نموت احنا الكل و من هذا المنطلق حابب اقول لسعد و فيصل لله دركم صابرين و متحملين و اذا غاب احد فيكم الثاني ياخذ نصيبه مضاعف تحسبوا الدكتور راح يرحم وحدتكم الا راح يضرب بيد من حديد، الله يستر لا يكون هو اللي راح يقرا التعليق.
ملاحظة بسيطة التعليق دا جاء بعد ما سمعت حلقة 217 اللي وعدنا فيها علي انه راح يكون علي جديد بعد العيد و بدون تنمر ولكن في حلقة 218 رفع شعار هيهات هيهات من الذلة و استلم الاخضر و اليابس تنمر و ما اكتفى اخذ في طريقه ابو عمر بعد ما احد الشباب قراء خبر لعبة. قلت هذا علي ولا حياة لمن تنادي و اتمنى يكمل على كدا لانه هو الوحيد اللي يبرد خاطري في الفريق الاخضر و اذا ناوي يتنمر بعد ما يقرا التعليق ارجوه رجاء خاص يخفف الوتيرة شوي عشان ارجع له بتعليق جديد و ما يكسر مجاديفي من اول تعليق. و نسيت اقول ترى مو لازم تكون لاعب سلسلة metal gear solid عشان تكون جيمر اصلي (ضربة من تحت الحزام) اتمنى اللي في بالي قاعد يقرا التعليق و يفتكر كلامه. 😉😂