السلام عليكم شباب، بتكلم عن كذا نقطة بس راح تكون مترابطة في النهاية.
الأولى: ذا ويتشر ٣ اللعبة أبدعت من ناحية قصص العالم وجماله، لكن فشلت بالقيم بلاي، وذا الكلام أتوقع الكل يتفق عليه. لكن اللي محد يتكلم عنه أن اللعبة هي الجزء الثالث من قصة كبيرة، وفي نص اللعبة تقريباً لما وصلت لتريس والوغد الصغير بدت تنهال عليّ شخصيات كثيرة جيرالت يعرفهم بس أنا لا، وذا حسّسني بانفصال عن القصة صراحة وتحسفت أني ما لعبت الأجزاء اللي قبل. والحين وقفت عند مهمة حسيت أنها الأرك الأخير في القصة، فقررت أخذ بريك وأخلص المهام الجانبية لأن قصصها هي متعة ذا ويتشر بالنسبة لي.
(فيه خيار جاني بداية اللعبة يسال اذا لعبت الجزء الثاني وحطيت ايه بالغلط وما اعرف اذا يفرق كثير ولا لا)
والنقطة الثانية: من الأمور اللي شدتني في ذا ويتشر هي كتابة الشخصيات والروح اللي فيها. شخصية جانبية ممكن ما تقابلها إلا مرة تحس بوزنها أكثر من شخصيات رئيسية في الألعاب الجديدة. صياغة الحوار ممتعة وذكية، وحتى جيرالت، كونه شخصية مكتوبة، ما عارض أهمية الخيارات اللي تتركها لك اللعبة. حسيت كل خيار يمثلني ويمثل جيرالت بنفس الوقت، عكس اللي صاير الحين من تجريد شخصية اللاعب من المشاعر والدوافع بزعم أن ذا بيمثلك كلاعب، لين طلع لنا جيل معدوم من الشخصيات البطولية.
الثالثة: سرد الألعاب، وبدأت أقتنع أن الألعاب هي طريقة السرد المثالية للقصص. فمهما أعطيتنا فيلم ٤ ساعات أو مسلسل أطول من ون بيس، ما راح توصل للمتعة والانغماس في القصة اللي تقدمه الألعاب. وجودك أثناء الحبكة وتحكمك بمجريات القصة وتفردك باختياراتك يخليها الطريقة الأمثل لسرد القصص. الحين صاير معي في ذا ويتشر أنا وأخوي نناقش كل فترة اختياراتنا، واكتشفت أن عنده جانب إجرامي وبدأت أخاف منه صراحة ههههههه.
برضو العظيمة لعبة The Wolf Among Us، اللي لعبتها الشهر ذا، بس سقطت سهواً من آخر تعليق. لها متعة خاصة في اتخاذ اختياراتك بنفسك، ومناقشة اختياراتك مع خويك تعطيك تجربة مستحيل تقدمها الأفلام والمسلسلات. وشفنا فشل حلقة بلاك ميرور. باختصار، مقولة: “لو أبغى قصة رحت تفرجت فيلم” مقولة غبية، لأن الألعاب أفضل في تقديم القصص.
2 تعليقات
مشكورين
السلام عليكم شباب، بتكلم عن كذا نقطة بس راح تكون مترابطة في النهاية.
الأولى: ذا ويتشر ٣ اللعبة أبدعت من ناحية قصص العالم وجماله، لكن فشلت بالقيم بلاي، وذا الكلام أتوقع الكل يتفق عليه. لكن اللي محد يتكلم عنه أن اللعبة هي الجزء الثالث من قصة كبيرة، وفي نص اللعبة تقريباً لما وصلت لتريس والوغد الصغير بدت تنهال عليّ شخصيات كثيرة جيرالت يعرفهم بس أنا لا، وذا حسّسني بانفصال عن القصة صراحة وتحسفت أني ما لعبت الأجزاء اللي قبل. والحين وقفت عند مهمة حسيت أنها الأرك الأخير في القصة، فقررت أخذ بريك وأخلص المهام الجانبية لأن قصصها هي متعة ذا ويتشر بالنسبة لي.
(فيه خيار جاني بداية اللعبة يسال اذا لعبت الجزء الثاني وحطيت ايه بالغلط وما اعرف اذا يفرق كثير ولا لا)
والنقطة الثانية: من الأمور اللي شدتني في ذا ويتشر هي كتابة الشخصيات والروح اللي فيها. شخصية جانبية ممكن ما تقابلها إلا مرة تحس بوزنها أكثر من شخصيات رئيسية في الألعاب الجديدة. صياغة الحوار ممتعة وذكية، وحتى جيرالت، كونه شخصية مكتوبة، ما عارض أهمية الخيارات اللي تتركها لك اللعبة. حسيت كل خيار يمثلني ويمثل جيرالت بنفس الوقت، عكس اللي صاير الحين من تجريد شخصية اللاعب من المشاعر والدوافع بزعم أن ذا بيمثلك كلاعب، لين طلع لنا جيل معدوم من الشخصيات البطولية.
الثالثة: سرد الألعاب، وبدأت أقتنع أن الألعاب هي طريقة السرد المثالية للقصص. فمهما أعطيتنا فيلم ٤ ساعات أو مسلسل أطول من ون بيس، ما راح توصل للمتعة والانغماس في القصة اللي تقدمه الألعاب. وجودك أثناء الحبكة وتحكمك بمجريات القصة وتفردك باختياراتك يخليها الطريقة الأمثل لسرد القصص. الحين صاير معي في ذا ويتشر أنا وأخوي نناقش كل فترة اختياراتنا، واكتشفت أن عنده جانب إجرامي وبدأت أخاف منه صراحة ههههههه.
برضو العظيمة لعبة The Wolf Among Us، اللي لعبتها الشهر ذا، بس سقطت سهواً من آخر تعليق. لها متعة خاصة في اتخاذ اختياراتك بنفسك، ومناقشة اختياراتك مع خويك تعطيك تجربة مستحيل تقدمها الأفلام والمسلسلات. وشفنا فشل حلقة بلاك ميرور. باختصار، مقولة: “لو أبغى قصة رحت تفرجت فيلم” مقولة غبية، لأن الألعاب أفضل في تقديم القصص.