كشكول ألعاب مراجعة سنة 2024

اولا يا رب ما لحقتوا سجلتوا الحلقة الجديدة عشان تقراوا هذا التعليق ملاحظ في التعليق الاول في اخطاء املائية لي بالكوم فشكله يبغالي ارجع لكتاب الاملاء صف 2 ابتدائي هذه نقطة.

النقطة الثانية اللي خلتني اكتب هذا التعليق سمعت في حلقة 319 تعليق المثنى اللي كان على اليوتيوب و كان حول رجوعه لسماع الحلقة اللي تكلمت عنها و حابب اساله عن المعلقة اللي كتبتها حول لعبة the last of us بما ان نواف ما قرا جزئية الحرق.

نقطة ثالثة بعد اول 6 دقائق من حلقة 319 و علي لما تكلم عن موضوع ان في متابع في الديسكورد قال انه تعود على الطاقم القديم فايز و سعد وانه او بالاحرى انه وصل معاهم لدرجة المعرفة صار يعرف ذوقهم في الالعاب والافلام طبعا هذا الكلام نقلا عن علي
حابب اطرح وجهة نظري واتمنى تتقبلوها يمكن قراتوا لي تعليق سابق حول هذه النقطة ولكن لا مانع في تكرارها خليني ابدا و اقول اني كنت في نفس موقف هذا المتابع كنت مستنكر لنواف و خالد في البداية كنت ابغى الشباب اللي اعرفهم كنت ابغى مناكفات علي و سعد
كان ما عندي مشكلة في كلام فايز طوال شهر كامل عن لعبة ماريو و حبه الشديد لمنصة Nintendo خليني اقول هي مسالة تعود ، حلقة بعد الثانية تعودت عليهم وهي هي نفس المسالة مع خالد و نواف حلقة بعد الثانية تعودت عليهم و بالعكس صرت منتظر مناكفاتهم
خاصةً في العناوين الكبيرة زي Starfield و كلام خالد عن نواف انه مطبل و العكس صحيح بالنسبة لنواف و مدى حب خالد لانتاجات Nintendo مهما كانت مكرره يعني بالعربي مكان فايز بالنسبة لي ما اختفى لان نواف خير خلف لخير سلف صح فاقدين شخصية فايز
في الحلقات ولكن نواف قاعد يعطي نفس العطاء الا انه قاعد يرقع او خليني استخدم كلام علي عنه انه عنده قدرة مميزة في تخفيف سالبيات اكس بوكس على المتلقي صدقني يا نواف مكانك مو معنا مكانك مع فيل سبينسر راح تسووا دويتو خيالي من ناحية التصريحات.

نقطة رابعة حلو سؤال علي للشباب عن الاعمال اللي اثرت فيهم سوال عمل ادبي كروايات او مسلسلات او حتى انمي للامانة كان دائما و ابدا عندي سوال ودي اطرحه على علي ايهم تفضل بحكم حبك لـ ون بيس ايش راح تفضل دخول اللحية البيضاء في حرب القمة
ولا دخول جد كيلوا و الفخم دائما و ابدا عمي و عم عيالي نيترو انا راح اختار دخول الشيبان نيترو و كبير الزولديك منتظر رايك و راي الشباب

نقطة خامسة حبيت كلام نواف عن هجوم العمالقة انا بالنسبة لي هذا العمل حجز مكانه في عقلي من جمالية الحبكة مثله مثل ديث نوت و طبعا ون بيس رغم التمطيط.

النقطة السادسة و الاخيرة لعلي تحديدا // اتركك من نقطة نيل دركمان ف لعبة last of us 2 اللي تكلمت عنها و قلت لي ياليت تكلمني عشان نتناقش فيها، صدقني انا وانت محتاجين نجلس جلست عرب نحاول نقنع بعض ليش انت تفضل power على حساب makima
في chainsaw man انا راح اكتفي واقول (لولا اختلاف الاذواق لبارت السلع) بس محتاجين نتكلم 😁

اولاً يعطيكم العافية.
و تعليقي هذا تعقيباً على حلقة 317 لما سمعت علي يقرأ تعليقي مدري ليش يجيني احساس رياكشن فيلم شركة المرعبين المحدودة “أنا طلعت في التلفزيون” كل ما جاء تعليق لي في الحلقات الجديدة
بس في نفس الوقت استغرب من نفسي القديمة ليش ركزت في تعليقي على نقطة معينة على حساب الثانية
خاصة اني قاعد استمع للحلقات القديمة و لما اجي اكتب تعليق اكتبه تعقيبا لحلقة قديمة ولكن اكتبه في الحلقات الجديدة فلما اوصل لها استغرب من افكاري
مدري احس نفسي في مكان ماثيو ماكونهي في فيلم Interstellar ، ما عليكم من صراع الافكار اللي في بالي.
علي قلت في نهاية الحلقة ياليت ترسل لي في اي مكان بخصوص نقطة معينة في لعبة the last of us 2 وللامانة رجعت اشوف تعليقي حابب اصدمك و اقول لك اني نسيت ايش هو الموضوع
زي ما صدمتني انك الى وقت حلقة 317 ما لعبت Ghost بس انا متاكد الى ما توصل للوقت اللي راح تلعبها راح تٌقدر هذا التاخير انه ممكن هذا التاخير بسبب انك تلعبها في الوقت المناسب، وجهة نظر لا اكثر.
و تعليق على نقطة اثرتها في لعبك لـ 20 ساعة في مهمة معينة في لعبتك المفضلة للامانة مستوى مني حابب اوصل له اقدر اتفهمه و استوعبه و اشوف مدى الانغماس في لعبة معينة خاصة لو كانت تنافسية انا بالنسبة لي
الاقي نفسي في الالعاب القصصية ممكن من كثر حبي للافلام و معلومة على الطائر افضل فيلم بالنسبة لي جوكر 2019 بسبب القصة التمثيل و الاخراج مستني اسمع افضل افلامكم.
نقطة ثانية مدري ليش لما كان علي يتكلم عن بدر الناصر ان يحذف مقاطع و يقصص من الحلقات اترسم في خيالي شكل مدري تقليدي ممل ما يحب الابداع ولكن صدفه سمعت حلقة افلام مراجهة مقلب فيلم فلاش
و لقيته هو المقدم و الرجل ياخذ و يدي بشكل ودي و بالعكس طلع صاحب نكته مدري ايش اقول ولكن الله يهديك يا علي.
حاجة اخير اشكر علي و نواف لدعمهم مطعم ابل بيز قبل حلقتين مدري ايش مشكلة فيصل مع المطعم اتمنى يسدح لنا مطاعمه المفضلة
اعتذر بس فعليا هذه النقطة الاخيرة مدري ملاحظ على نفسي لما رجعت اشوف تعليقاتي لقيت نفسي معلق في اوقات الصباح يمكن عشان مشوار العمل و يكون صباح
فلما اسمعكم الاقي عقلي لا ارادياً يكتب التعليق ولما اوصل العمل على طول اكتبه في الموقع نفس النقطة سمعتها من احد اليوتيوبر حبيت اشاركها.
(ملاحظة : بعض الاحيان اشارك افكار الله يحرمني منها و اقول في نفسي ياليت نخفف مستوى الميانة بيني و بين الشباب بس ما الاقني نفس الا و عندي نقطة اثارت اهتمامي و احب اطرح وجهة نظري فيها)