تقنية
أخبار متفرقة
ألعاب 01:00:00
أخبار متفرقة
Mass Effect Andromeda
أفلام 01:47:00
أخبار متفرقة
قادم إلى السينما
أفلام اليوم
Fences
مسلسلات 02:53:00
أخبار متفرقة
أنمي أليوم
Kingdom
مسلسل اليوم
Iron Fist
المشاركين أبو إبراهيم، عمور، سعد، مشعل، بدر.
20 تعليقات
السلام عليكم يعطيكم العافية الحلقة كانت ممتازة بالمجمل حبيت بس اطرح رائي في فلم Fences الفلم جميل ومتوقع الاداء الاسطوري من دينزل كان عظيم فعلا ويوم بعد يوم يثبت ان خطيب رائع في الافلام عنده امكانيات رهيبه ولكن حبيت اداء فيولا لانها اعطت الاحساس الي ممكن الام تحس فيه بعد مايصير الموقف الي كان قبل نهاية الفلم والي يمهد له من بداية الفلم انه حيصير اداء فيولا عظيم اغنية النهاية كانت عظيمة الكل كان رهيب ماعدا الاخ الاكبر ماحسيت انه لايق عليه الدور الشايب كان رهيب وكان دينزل عظيم في اخراج لقطات الشايب هذا واحترم كبر سنه زوايا التصوير اثبتت انه فعلا احترم الرجل هذا وساعده , اخو دينزل الي كان بيمثل الشخص الي فقد عقله كان رائع رائع الفلم بالمجمل رهيب لقطة نهاية الفلم حسيت اني فعلا فقدت دينزل صدق ونزلت كم دمعه الفلم رائع ويستاهل 910 بسبب اختيارهم للمثل الي افسد الفلم بتصرفاته (ولد دينزل)
يا سلام عليك ياخي اتفق معك
يعطيكم العافية، تقديم خورافي من ابو حسين نسيتنا غياب ابو عمر???? والحركة اللي في نص الحلقة مش ممكن يا فيصل ????????..
حبيت انصحكم بفيلم ألماني أحد أفضل الأفلام الأجنبية اللي مرت علي اسمه Das boot فيلم مميز في التمثيل و مدرسة في التوزيع الصوتي يفضل ينشاف بنظام صوتي أو سماعات جيدة للاستمتاع بكامل التجربة ????????، والفيلم موجود برضو في نتفليكس يعني خلاص ما في عذر ????. أتمنى أتمنى من كل قلبي اسمع رأيكم فيه وخصوصاً الأستاذ فيصل، هذا يمكن ثالث فيلم اقترحه وكلي ثقة وأماني انه ما يتزلب مثل اللي قبله ????????
ههههههههههه “مايتزلب” يبن الحلال والله العظيم الحلقات تترتب من قبل شهر ندري وش بنتكلم عنه فأحيانا “تتزلب” اشياء حتى لو نبيها حنا 🙂 لكن ابشر بشوفه وتسلم
الله يعطيكم العافية حلقة ممتعة كالعادة ، مستمع قديم أول مرة أشارك بالتعليق ، حبيت اقترح إضافة فقرة في المسلسلات سواء أنمي أو دراما وهي ” نظرة أولية” وتكون بعد الأخبار وقبل مسلسل/انمي الإسبوع ، والهدف منها : . التنويع حيث راح يكون أكثر من مسلسل في الإسبوع
. مواكبة المسلسلات والإنمي لكل موسم ولو بشكل مختصر
. واقترح تكون فقرة مختصرة ماتزيد على الخمس دقائق وتحمسنا نسمع رايكم الكامل بعد الإنتهاء من المسلسل
ومشكورين وبالتوفيق
انا معاك اقترح نفس الإقتراح هذا الله يعطيك العافية
لتنزيل الحلقة ادخلو رابط الحلقه في هذا الموقع ونزلوها
http://scdownloader.net/
الله على الحنجرة الذهبية يبوحسين .. ما شاء الله تبارك الرحمن.. حلقة مميزة تقديم مميز ذكرتنا بالايام الخوالي.. وياليت بعد تعطون ابوابراهيم فرصة يقدم مرة ثانية .. .. يعطيكم العافية مميزين كعادتكم بس كنت اتمنى اسمع رايي ابوابراهيم .. الي قصيتوه .. لو خليتو منه جزء لو بسيط علشان نسمع وجهة نظره. او اضفتوه في نهاية الحلقة .. بعد موسيقى النهاية.. وشكراً
السلام عليكم وجميل نزول الحلقه في وقت جدا طيب ياريت تكملون على هذا النهج ويعطيكم العافيه
الله يعطيكم العافية على الحلقة الجميلة
ومرحبا بعودت مشعل
بخصوص انمي كينقدوم فالموسم الثاني يتحسن الرسم بشكل كامل
وبخصوص مسلسل
Iron Fist حقيقة صدمني كنت متحمس له وكنت انتظره بالساعة
وتابعته مباشرة ولم استطع اكمله بعد الحلقة السادسة
ولا اقول الا مثل ما قال تمخض الجبل فولد فأرا
ودي اسمع رايكم في انمي Drifters، ياليت تحطونه ضمن خياراتكم
واذا حابين تشوفون انمي ممتع خفيف “رياضي” انصحكم بـ Yowamushi Pedal
تم ذكر Drifters في الحلقة ١١٨
وتم ذكر Yowamushi Pedal الموسم الاول في الحلقة ٦٤ والحلقة ٨٢
صراحة الكلام اللي قاله فيصل في تبريره لحذف النقاش ماله داعي وغير موفق!
اوكي احمد عاشور له وزنه لكن انك تجيبها بطريقة تستنقص فيها من ابو حسين غير مقبولة.
عيب مايصير كلكم كبار ثلاثين سنة وفوق، غير كذه ابو حسين أهم واحد بالبودكاست عند كثيرين أكثر واحد دمه خفيف ويعطي جو غير عن البقية كلهم
حياك، جميل انك تشوف شيء في عمرو اعيشه معه من فوق عشرين سنة.
لكن مااحس انه مكانك انت تقول وش المفروض اقول او مااقول له مع كامل احترامي من انت في علاقة شخصين لها فوق العشرين سنة؟ العيب التبجح بحميتك لشخص ماتعرف عنه الا صوته عند شخص يعتبرة أخ قبل مايكون من اقرب اصدقائة.
العادة التعليقات السلبية اذا ماكانت مفيدة للبودكاست اتركها ولا ارد عليها لكن الردود من النوع هذا اعتبرها سم ممكن ينخر في مجتمع كشكول ولازم يكون الرد على المستوى هذا.
تعليقي رد على كلام عمرو في بداية الحلقة على انهم حيستغنوا عن أحمد واضح انك شطحت فقرة التقنية أو ان عندك مشكلة معي شخصياً عموما ممكن تسمع البودكاست كما هو او تتركة.
مايهمني علاقتك يخوي معه من سنتين ولا من عشر سنين، الكلام عن البودكاست اللي تنشروه للمستمعين.
ايش يصير بينك وبينه من ميانة لو قابلتم بعض صح انا مالي دخل فيه، لكن كمستمع للبودكاست اقول رأيي في البودكاست واكرر اسلوبك كان ماله داعي مع احترامي لك، واي احد ثاني من المستمعين،أكرر المستمعين مو من شلتكم بيفهم نفس الشيء.
ونقطة استمع للبودكاست أو مااسمعه هذا شيء راجع لي ولا سألتك، وتراني مااعرفك ولا ادري عنك ولا عندي مشكلة معك.
تحياتي للجميع
كشكور بودكاست حواري خفيف بعيد عن الرسمية
ومن ارد بودكاست رسمي اعضاه يدققون في كل جمله هناك الكثير غير كشكول
انت ساحر؟
كيف عرفت ان هذي مقدمة البودكاست؟ كيف بالله قول لي؟
الحب يصنع المعجزات
اجلد من حقك
مادري ليش شطح الاخ الي فوق
ماقولك اني ماتضايقت, لاني حسيت ان النقاش كان ممتاز, لكني تطمنت اول ماقلت انهم جالسين يعيدون بالكلام
لكن انت الاعلم وبالنهايه انت الي ماسك الانتاج, ومتأكد انك ماكنت بتحذفه لو كان فيه اي شي مهم, والحركه رهيبه الصراحه
عموماً موفقين ان شاء الله واهم شي يجي عمرو بالحلقه الجايه, حاس ان ابو عمر ربطه وحابسه فمكان ما بعد الحلقه هذي D: